Home விளையாட்டு “தல தோனி” அப்பாவையும் மகனையும் அவுட்டாக்கி சாதனை!!

“தல தோனி” அப்பாவையும் மகனையும் அவுட்டாக்கி சாதனை!!

160
0

இந்திய கிரிக்கெட் வீரர் மகேந்திர சிங் தோனி தந்தையும் மகனையும் அவுட் ஆக்கிய பெருமையைப் பெற்றுள்ளார்.

இந்தியக் கிரிக்கெட் அணியின் முன்னாள் கேப்டன் மகேந்திர சிங் தோனி. ஐபிஎல் போட்டிகளில் சென்னை சூப்பர் கிங்ஸ் அணியின் கேப்டனாக செயல்பட்டுவருகிறார்.

இவர் கடந்த ஏப்ரல் 11ஆம் தேதி நடைபெற்ற ராஜஸ்தான் – சென்னை அணிகள் மோதிய போட்டியில் ராஜஸ்தான் அணியின் இளம் வீரர் ரியான் பராக் 16 ரன்கள் எடுத்திருந்தபோது, விக்கெட் கீப்பர் தோனியிடம் கேட்ச் கொடுத்து அவுட் ஆனார்.

இதே ரியான் பராக்கின் அப்பா பராக் தாஸ் என்பவரும் தோனி மூலம் அவுட் செய்யப்பட்டுள்ளார்! 1999-2000ல் நடைபெற்ற ரஞ்சிக் கோப்பை கிரிக்கெட் போட்டியில் பராக் தாஸ் அசாம் அணிக்காக விளையாடினார். அசாம் அணியை எதிர்த்து பீகார் அணிக்காக விளையாடினார் தோனி.

அப்போது சின்னப் பையனாக இருந்த அவர், இரண்டாவது இன்னிங்சில் அசாம் அணியின் தொடக்க ஆட்டக்காரரான பராக் தாஸை 30 ரன்களில் ஸ்டெம்பிங் செய்து ஆட்டமிழக்க வைத்தார்.

இதன் மூலம் தந்தையும் மகனையும் அவுட் ஆக்கிய நூதன சாதனையை வசமாக்கியுள்ளார் தோனி. ஐபிஎல் போட்டிகளில் ராஜஸ்தான் அணிக்காக சிறப்பாக விளையாடும் ரியான் பராக் இந்திய அணியின் இடம்பிடிப்பதை எதிர்நோக்கியுள்ளார்.

சென்னை அணிக்கு எதிரான ஏப்ரல் 11ஆம் தேதி போட்டியில் பராக் அசாமின் பாரம்பரிய அடையாளச் சின்னங்களில் ஒன்றான கமோசா எனும் துணியை அணிந்து விளையாடினார்.

தற்போது வெறும் 17 வயதே ஆகும் பராக் 2017ஆம் ஆண்டு 19 வயதுக்கு உட்பட்டோருக்கான உலகக் கோப்பை வென்ற இந்திய அணியில் இடம்பெற்றிருந்தார். இவருக்கு இந்திய அணியில் இடம் கிடைத்தால் அசாமிலிருந்து இந்திய அணிக்காக விளையாடும் முதல் வீரர் என்ற வரலாற்று சாதனையை படைப்பார்.

ரியான் பராக்கின் தந்தை பராக் தாஸ் உட்பட இதுவரை ஒருவர்கூட அசாமிலிருந்து இந்திய அணிக்காக விளையாடவில்லை என்பது குறிப்பிடத்தக்கது.

மேலும் இது போன்ற விளையாட்டு செய்திகளுக்கு நமது பழங்குடி செய்திகள் இணைய தளத்தினை தொடர்ந்து படிக்கவும் நன்றி.

LEAVE A REPLY

Please enter your comment!
Please enter your name here